Hot line: +855 (0)99 283 388
នៅក្នុងរយៈពេលជិត២ទសវត្សរ៍ចុងក្រោយនេះ គេសង្កេតឃើញមានប្រទេសជាច្រើនចូលមកបណ្តាក់ទុនវិនិយោគនៅក្នុងវិស័យសំណង់ជាច្រើននៅកម្ពុជា ជាមួយនឹងទឹកប្រាក់វិនិយោគរាប់ពាន់លានដុល្លារអាមេរិកនៅក្នុងមួយឆ្នាំៗ។
បើគិតចាប់តាំងពីឆ្នាំ២០០០ រហូតមកដល់ឆមាសទី១ ឆ្នាំ២០១៧នេះ មានប្រទេសចំនួន១៨ បានមកធ្វើការវិនិយោគក្នុងវិស័យសំណង់នៅកម្ពុជា ដែលមានគម្រោងវិនិយោគសរុបប្រមាណ ៣០៩គម្រោង ជាមួយនឹងដើមទុនវិនិយោគសរុប ៤ពាន់ ៧០០លានដុល្លារអាមេរិក។
នៅក្នុងរយៈពេលដូចគ្នានេះដែរ សារព័ត៌មាន ខេមបូណូមីស សូមលើកយកតែប្រទេសកំពូលចំនួន៥ប៉ុណ្ណោះ ដែលមានសកម្មភាពវិនិយោគនិងបោះទុនវិនិយោគក្នុងវិស័យសំណង់ច្រើនជាងគេ។ នេះបើយោងតាមរបាយការណ៍ ដែលក្រសួងរៀបចំដែនដី នគរូបនីយកម្ម និងសំណង់ ផ្តល់ឲ្យសារព័ត៌មាន ខេមបូណូមីស។
ឈរនៅលើលំដាប់ថ្នាក់កំពូលគេ ដែលបានបោះទុនវិនិយោគនៅក្នុងវិស័យសំណង់កម្ពុជាក្នុងរយៈពេល ១៧ឆ្នាំចុងក្រោយនេះ ដែលគិតជាទឹកប្រាក់មានចំនួនប្រមាណជិត ២ពាន់លានដុល្លារអាមេរិក ដែលមានគម្រោងវិនិយោគចំនួន ១២១គម្រោង។
ឈរនៅលើលេខរៀងលំដាប់ថ្នាក់ទី២ ដែលបានបោះទុនវិនិយោគនៅក្នុងវិស័យកម្ពុជាក្នុងរយៈពេល ១៧ឆ្នាំចុងក្រោយនេះ ដែលគិតជាទឹកប្រាក់មានចំនួនប្រមាណ ១ពាន់៦៣៧លានដុល្លារអាមេរិក ដែលមានគម្រោងវិនិយោគចំនួន ៤៨គម្រោង។
រយៈពេលបីឆ្នាំចុងក្រោយនេះ ជប៉ុនបានបំបែកកំណត់ត្រាក្នុងការវិនិយោគលើវិស័យសំណង់នៅកម្ពុជា ដែលទទួលចំណាត់ថ្នាក់លេខរៀងទី៣ ដែលបានបោះទុនវិនិយោគនៅក្នុងវិស័យសំណង់កម្ពុជាក្នុងរយៈពេល ១៧ឆ្នាំចុងក្រោយនេះ ដោយគិតជាទឹកប្រាក់មានចំនួនប្រមាណ ២៤៥លានដុល្លារអាមេរិក ដែលមានគម្រោងវិនិយោគចំនួន ៣៧គម្រោង។
បានកាន់កាប់តំណែងលំដាប់ថ្នាក់ទី៤ ដែលបានបោះទុនវិនិយោគនៅក្នុងវិស័យសំណង់កម្ពុជាក្នុងរយៈពេល១៧ឆ្នាំចុងក្រោយនេះ ដែលគិតជាទឹកប្រាក់មានចំនួនប្រមាណ ១៤៩លានដុល្លារអាមេរិក ដែលមានគម្រោងវិនិយោគចំនួន ៩គម្រោង។
ឈរនៅលើលេខរៀងលំដាប់ថ្នាក់ទី៥ ដែលបានបោះទុនវិនិយោគនៅក្នុងវិស័យសំណង់កម្ពុជាក្នុងរយៈពេល ១៧ឆ្នាំចុងក្រោយនេះ គិតជាទឹកប្រាក់មានចំនួនប្រមាណ ១៤៦លានដុល្លារអាមេរិក ដែលមានគម្រោងវិនិយោគចំនួន ២៥គម្រោង។
សូមបញ្ជាក់ថា បើយោងតាមរបាយការណ៍ពីក្រសួងរៀបចំដែនដី នគរូបនីយកម្ម និងសំណង់ ដដែល បានបង្ហាញថា គ្រាន់តែនៅក្នុងឆមាសទី១ នៃឆ្នាំ២០១៧នេះ រដ្ឋាភិបាលកម្ពុជាផ្តល់លិខិតអនុញ្ញាតសាងសង់សំណង់ដល់វិនិយោគិនមកពីបរទេស ចំនួន១៥គម្រោង ដែលមានទុនវិនិយោគសរុបប្រមាណជាង ២៣៦លានដុល្លារអាមេរិក។
ក្នុងនោះឃើញថា ចិននៅតែខ្លាំង ដណើ្តមបានតំណែងកំពូល ដែលមានគម្រោងអភិវឌ្ឍន៍សំណង់របស់ចិនចំនួន៧គម្រោង មានទឹកប្រាក់វិនិយោគប្រមាណ ១៦២លានដុល្លារអាមេរិក។ ចំណែកកូរ៉េខាងត្បូងលេខ២ ដដែល មាន១គម្រោងដែលធំ ជាមួយនឹងទុនវិនិយោគ ១៤លានដុល្លារអាមេរិក ជប៉ុននៅតែលេខ៣ មាន២គម្រោង ជាមួយនឹងទុនវិនិយោគ ១៩លានដុល្លារអាមេរិក។
រីឯប្រទេសសិង្ហបុរី នៅតែមានឈ្មោះលេខ៤ សម្រាប់ឆមាសទី១នៃឆ្នាំ២០១៧ ដោយមាន១គម្រោង ជាមួយនឹងទុនវិនិយោគ ៦លានដុល្លារអាមេរិក និងថៃ ឈរនៅលេខរៀងទី៥ ដដែល មាន៣គម្រោង ដែលមានទុនវិនិយោគ ១៩លានដុល្លារអាមេរិក៕